نجوى المالحي- كود//

من بعد الأخبار لي تسربت وكتقول ان دنيا باطمة وراجلها محمد الترك مضاربين وماكيتهادروش، وهادشي تسبب في أنهم يمسحو تصاور بعضياتهم على أنستكَرام، خرجات إيمان ختها الصغيرة، باش تأكد الخبر بطريقة غير مباشرة.

إيمان نشرات ستوري عبر حسابها على انستكَرام فيه تصاور لعائلتها، واستثنت راجل ختها محمد الترك وكتبت عليها “الله يخليكم لي، ويخلينا دائما مجموعين، ويبعد علينا سم الأفاعي والخبيثين”.

المشاكل بين دنيا وراجلها ماشي جديدة، والمقربين كيأكدوها ديما، خصوصا أن راجلها البحريني استغلها وسمح في أسرتو وتبعها لأنه عرف من وراها الربح والفلوس.

الترك حتى هو ما سكتش ونشر بوسط على حسابو في انستكَرام، متب فيه “شكرا لمن علمني بأن نهاية التقدير إهانة”.