كود سبور//

قرر الدولي الهولندي من أصول مغربية محمد احتارين نجم أياكس أمستردام الهولندي يتوزوج، بحيث عبد القران ديالو على شابة الاسم ديالها ياسمين وبارطاجاو الصور ديالهم على انستغرام.

وسائل الإعلام الهولندية تفاعلت مع زواج احتارين خصوصا وأن اللاعب مر من مرحلة صعبة خلال الأشهر الماضية، كانت سبب فتراجع مستواه والإنقطاع عن تداريب فريق أياكس ووصل الأمر للتهديد ديالو بالقتل.

وحسب “تليكراف” الهولندية فالعلاقة  ما بين محمد احتارين وياسمين، هي سبب المشاكل اللي عاشها النجم الهولندي من أصول مغربية والمعار من يوفنتوس الإيطالي إلى أياكس أمستردام.

المصادر ذاته أشار إلى أن العائلة ديال البنت لم تتقبل دخولها فعلاقة مع محمد احتارين، الأمر اللي جعل الأخير يتوصل بتهديدات من بعدما العلاقة ما بينه وبين الصديقة ديالو تعرفات، لدرجة أنه اختفى وما بقاش كيمشي يدرب خوفا على حياته فالوقت اللي الأمن الهولندي فتح تحقيق فالواقعة.

نفس المصدر أكد أن محمد احتارين رجع الان للتداريب، دون ما يكشف المستوى اللي وصلت له العلاقة ما بين اللعاب والعائلة ديال البنت اللي تزوج بها نهاية الأسبوع، مع العلم أن احتارين غينتهي عقد الإعارة ديالو من يوفنتوس الإيطالي إلى أياكس أمستردام الهولندي فالانتقالات الشتوية المقبلة، ومازال المستقبل ديالو لم يحسم بعد أإن كان سيقرر الفريق الهولندي الاحتفاظ به بشكل نهائي أم أنه سيعود إلى ايطاليا.