كود سبور//
أكد لويس إنريكي مدرب إسبانيا بلي ياسين بونو لكول ديال المنتخب الوطني المغربي يستاهل جائزة أحسن لعاب فالماتش ما بين المنتخبين فثمن نهائي كأس العالم قطر، وبلي الجمهور المغربي كان أقوى من الإسبانيين فالتيران.
وقال مدرب إسبانيا لويس إنريكي من بعدما خسر مع المغرب بالبيلانتيات: “ياسين بونو يستحق يكون أحسن لعاب فالماتش راه كول واعر، وكنعرفوه فإسبانيا وهو شخص زوين، سيطرنا على الماتش وخلقنا بزاف ديال الفرص، ولكن بونو كان حاسم فضربات الترجيح، و يستاهل أحسن لعاب فالماتش”.
وبخصوص التيران والجمهور اللي كان حاضر فالماتش قال مدرب إسبانيا: “الأجواء كانت زوينة فالماتش ومع الجمهور المغربي اللي فات العدد ديالو الجمهور الإسباني، وكانت الروح الرياضية”.
