25/04/2024 20:43
أخنوش تلاقى وزير الاقتصاد والمالية والسيادة الصناعية والرقمية الفرنسي وبحثوا التعاون الثنائي والإرتقاء بالشراكة الإستراتيجية بين الرباط وباريس
كريم الصوفي – كود//
[email protected]
بعد التصرفيقة اللي خذاها الاعلام الجزائري المسخر في سباق عضوية المكتب التنفيذي للـ”فيفا” واللي سالا بفوز لقجع بعضوية اللجنة التنفيذية وانسحاب ممثل الجزائر خير الدين زطشي. كيبان أن إعلام شنقريحة مزال داير لقجع ف راسو وباغين الفيفا تحيد له عضوية اللجنة التنفيذية في ظل استوزاره في الحكومة المغربية الجديدة.
بزاف ديال المواقع الدزايرية نشرات خبر عن موقع بريطاني ونسبات ليه أن خبر عن ضرورة سحب عضوية اللجنة التنفيذية للفيفا من لقجع بسبب تعيينو في منصب سياسي حسب لوائح الفيفا. لكن اللي نساوه هاذ الاعلاميين أنه ما كاين تعارض في حالة لقجع او تضارب مصالح ما دام أن قوانين الفيفا كتگول السياسي ما يدخلش فقرارات الاتحاد المنتخب ولقجع نال العضوية باجراء انتخابي وف هاذ الحالة ما يمكن يفقد العضوية ديالو إلى عبر اجراء انتخابات أخرى..
وباش نعرفو أن القضية بعيدة عن الرياضة وكلها محاولة لتصفية حسابات، هاذ التقارير كلها بقات كتنبش في ماضي لقجع وجبدات ليه كواليس فينال كاس الكاف في شهر ماي 2019، واللي خرجات فيه تقارير مشبوهة عن اعتداء لقجع على لاربيط ديال ماتش نهضة بركان ضد الزمالك المصري.
