كود كازا//

الإشهارات د”تكبير القضيب” اللي دارت حالة على مواقع التواصل الاجتماعي ديال برودويات تكبير العضو الذكري مشكوك فصحتها، مصدر مطلع ل”كود” رجح أن الصور اللي تبارطاجات على نطاق واسع وثارت كَاع هذ الضجة هي مجرد صور مفبركة عن طريق الفوطوشوب وعمرها كانت فشي بانو.

فيديو من عين المكان تصور اليوم كيبين أن الإشهارات فعلا ماكينينش، وهذا كيعني أنهم ممكن تحيدو، كيف ممكن بالصح عمرهوم كانو فشوارع الدار البيضا، والقضية وما فيها غير تصاور فوطوشوبي، الغرض منهم الإشهار فمواقع التواصل وصافي.

والشركة مولات هذ البرودويات كاينة بصح، وكتبيع منتوجات عندها علاقة بتحسين الحياة الجنسية دالأفراد، الإناث فيهم والذكور، كيف كتبيع حتى المقويات والمنشطات الجنسية ليهم بجوج.

“كود” حاولات تتواصل مع نصدر من مجلس المدينة باش تاخد تعليقو على هذشي، وواش فعلا هذ الإشهارات حقيقية أو لا، لكن أكدليها أنه للآن مازال ماتوفرات معطيات بخصوصها، وأنه غيوافي كَود بالتفاصيل فاش يحصل عليها.

https://www.facebook.com/1292968250744243/posts/5009999815707716/?vh=e&d=n