كريم الشركي – كود///
فالوقت اللي خاص كولشي يتكمش فدارو، كاين شي لصوص عتابرو حالة الطوارئ مطية باش ينفذو عمليات سرقة ساهلة، ولكن لي ماعارفينوش أن هاد عمليات السرقة ولو كانت النشل، راه كترجع جناية ماشي جنحة.
اامشرع فالفصل 510 من القانون الجنائي المغربي هضر على هادي وفصلوا مزيان.
الفصل كيقول أنه يعاقب على السرقة من خمس إلى عشر سنوات يلا قتارنت بظرف من ظروف التشديد، واللي هي فالأيام العادية السرقية بالتسلق، او بالليل او عصابة، او بااسلاح، أو الموصوفة، وما الى غير ذلك.
وكيزيد الفصل كيوضح آش هي ظروف التشديد جميعا، وكيدخل من ضمنها السر٤ة فالزلزال او الفيضان….أو أي كارثة أخرى، وحنا دابا فكارثة صحية أعلنت عليها حالة طوارئ، يعني يلا مشى الانسان سرق صابونة غاياخذ عليها أقل مدة خمس سنوات حبسا.
