نجوى المالحي- كود//

حشومة نلقاو تصاور ديال ايقونة الطقطوقة الجبلية شامة الزاز مهلوكة بالمرض وزيد عليه الفقر ورجعت كتمد يدها باش تتعالج.

شامة الزاز دخلات المستشفى من بعد الصور لي تنشرات على الانترنت باش تتعالج لأنها كتعاني من مرض القلب المزمن، وواخا هكاك فهي محتاجة لالتفاتة على الأقل من وزارة الثقافة باعتبارها قدمات بزاف للفن المغربي، وعاشت حياتها كاملة قانعة بداكشي لي عندها.

الفنان محمد الشوبي دار صرخة إنسانية عبر بروفايلو في فيسبوك كيطالب المسؤولين بالالتفاتة لشامة، وحتى أهل الخير في الشمال يعاونوها ماديا باش تقدر تعيش بكرامة.

الشوبي قال في التدوينة ديالو: “شي التفاتة للفنانة الزاز في محنتها من المسؤولين، وبعض أهل الخير فالشمال.. السيدة راه أطربت عندما غنت الثرات الجبلي، وأبدعت في الطقطوقة منذ سنوات خلت’.