اسماء غربي-كود//

هاد التكنولوجيا غادة وكتطور بشكل رهيب جدا، وشوية مع الوقت غادي يستغناو على الحياة الواقعية والتواصل المباشر بين الناس.

طبيب في كاليفورنيا عوض ما يجي يدوي بشكل مباشر مع المريض ديالو لي قريب يموت، سيفط ليه رسالة تفرج فيها عبر تلفازة ديال روبوت.

المريض كان ناعس في الغرفة ديالو حتى جابو ليه روبوت قدامو وخرج ليه طبيب كيخبرو أنه مبقاش ليه بزاف ويموت.

العائلة وصحابو معجباتهمش الطريقة لي تعامل معاهم بيها الطبيب، خصوصا وان الموضوع فيه الموت.