عفراء علوي محمدي- كود//

الممثل الإسباني المعروف، أنطونيو بانديراس، كشف اليوم الإثنين أنه فالحجر الصحي، بعدما خرجات تحليلتو دكورونا إيجابية.

بانديراس اليوم، اللي كيصادف عيد ميلادو الستين، قال فتويت ليه أن صحتو مزيانة، لكن كيحس شوية دالعيا، “لكن انا على يقين أني غاندير لاباس إيلا تبعت نصائح الطبيب”، على حساب كلامو.

Quiero contaros lo siguiente… pic.twitter.com/u579iBVLM0

— Antonio Banderas (@antoniobanderas) August 10, 2020

وقال أنه لقا راسو مضطر يدوز عيد ميلادو الستين فالحجر الصحي بسبب كورونا، وقال أنه غيبدا يطالع شوية ويكتب ويرتاح ويبدا ينفذ مشاريع سنواتو ال60.

ومستطعش بانديراس يشارك السبت اللي فات فحفل خيري كان فماربيا فالسبليون، بلا مايعطي سبب لهذ الغياب.