كريم الصوفي – كود//
[email protected]

ذكرات تقارير إخبارية، أن والدة الضحية الدنماركية “لويزا فيستراجير” اللي تقتلات حتى صاحبتها اللي معاها ف الجريمة الارهابية ديال شمهروش ف 2017، غادي تدعي گوگل وفيسبوك بسباب فيديو الجريمة اللي باقي كيسركل عبر الأنترنت.

وأضافت التقارير، أنه بعد أكثر من ثلاث سنوات على الجريمة الوحشية مزال الأم ديالها ديما كتلقى مقاطع للجريمة عبر الفايسبوك ومحرك بحث گوگل، ودابا كستعد رفقة جمعيات حقوقية باش تراسل بشكل قانوني شركتي گوگل وميتا باش تبلغهم الحذف النهائي لهاذ المقاطع الدموية او تمشي للقضاء باش تاخذ حكم ف الموضوع.

هاذ الخطوة جات بعدما راسلات والدة الضحية إدارة الفايسبوك بزاف ديال المرات، لكن ديما كتجيها رسائل ان الفيديوهات اللي تم الابلاغ عليها، لا تنتهك إرشادات وسياسات الشركة، ونفس القضية طرات ليها مع شركة گوگل، اللي باقي الفيديو كيطلع ف نتائج البحث.  لكن العثور على مقطع فيديو للجريمة، مازال متاحا عبر بحث بسيط.

https://www.digi.no/artikler/mor-til-terrordrept-kvinne-anmelder-tech-giganter/516389