وكالات//

طلبو المحامين ديال النجمة أمبر هيرد من القضاء بإسقاط الحكم لي كيلزمها باش تخلص غرامة 10.35 مليون دولار، كيخص قضية التشهير اللي رفعها راجلها سابقا النجم جوني ديب.

المحامي ديال هيرد قالو بلي الحكم مكانش مدعوم بالأدلة وبلي واحد من المحلفين واقيلا معندوش الشروط باش يكون عضو فهيئة المحلفين.

جوني ديب رفع  الدعوى على هيرد بتهمة التشهير بسباب مقال رأي كتباتو فصحيفة “واشنطن بوست” وقالت أنها شخصية عامة تعرضات للعنف المنزلي، وكولشي فهم ان الاتهامات موجهة لجوني ديب واخا ما دكراتش سميتو.

فالوقت لي المحامين ديال امبر هيرد باغيين يعتقوها من الغرامة، جوني ديب كيستعد باش يصور أول عمل ديالو بعد القضية لي كانت بيناتهم وتبعها العالم كامل.