الرئيسية > آش واقع > أغلب المتصلين كيسولو على أعراض “كورونا”.. منصة الاستماع اللي دار الجيش سجلات 38 ألف مكالمة فظرف سيمانة
30/03/2020 11:02 آش واقع

أغلب المتصلين كيسولو على أعراض “كورونا”.. منصة الاستماع اللي دار الجيش سجلات 38 ألف مكالمة فظرف سيمانة

أغلب المتصلين كيسولو على أعراض “كورونا”.. منصة الاستماع اللي دار الجيش سجلات 38 ألف مكالمة فظرف سيمانة

عفراء علوي محمدي- كود//

فظرف أسيمانة سجلات “البلاتفورم” الاستماع الهاتفية “ألو 300” اللي دارت القوات المسلحة الملكية، 38 ألف مكالمة، بمعدل 9 آلاف و500 مكالمة فالنهار، من نهار تم إطلاق هذ الخدمة ف25 فهذ الشهر حتى لليوم.

القوات المسلحة، فمذكرة ليها، كشفات بللي أغلب المكالمات اللي كيتم إجراءها فهذ منصة الإستماع كيسولو من خلالها الناس على الأعراض ديال فيروس “كورونا” المستجد، وشنو خاص يدار إلى حسو الناس بيها.

وبالنسبة للحالات المشتبه فيها اللي كتتصل، فكيتم توجيهها للمراكز الصحية القريبة منها، وكيلزمو عليها تلتزم بشروط الوقاية والسلامة الصحية.

أما بخصوص الشكايات اللي كيتم تقديمها فالمنصة، فكيتم جمعها من طرف التمثيليات الدائمة لوزارة الداخلية فهذ “البلاتفورم”، وكيدوزوها للمقاطعات المعنية باش تتخذ فيها الإجراءات المناسبة.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه