نجوى المالحي-كود//

من بعد الجدل لي خلقوا رأي متخلف ديال الشيخصار على دور المرأة في الحياة الزوجية، علق الكوميدي أسامة رمزي بطريقتو الخاصة على الجدل، وفي نفس الوقت عبر على الرأي ديالو.

وقال أسامة عبر حساباتو في مواقع التواصل باختصار: تحية للامهات لي كافحو على ولادهم وتحية للبنات لي قراو وخدمو وعاونو واليديهم.. وتحية للعيالات لي خدمو وعاونو رجالهم فاش طاحو..

واضاف اسامة في ستوري على حسابو في انستكَرام بالضحك: ” تعلموا الحب بعدا عاد فكروا واش المرأة تبقا في دارها ولا لا”.

أسامة حاول يمرر رسالة مفادها أن الأمر شخصي بزاف، وكل واحد عندو حرية يختار لي بغا، والمرأة طبعا هي الكائن الأول المسؤول على اختياراتو.