كود الرباط//

قال عزيز أخنوش، رئيس حزب التجمع الوطني للأحرار، وزير الفلاحة والصيد البحري والمياه والغابات، إن “هذا الموسم الفلاحي كان جيدا”، بحيث :”هاد العام من أفضل سنوات المخطط الأخضر من خلال انتاج  98 مليون من قنطار من الحبوب”.

وأوضح أخنوش، خلال حضوره بمؤسسة الفقيه التطواني مساء اليوم الثلاثاء 11 ماي الجاري، :”الغلة مزيانة هاد العام والمغاربة غادي يصيفو بعدا سنتين من القساوة ديال الجفاف وديال الكوفيد”.

وتابع المتحدث :”قدرنا نتجو بذور مختارة االلي ممكن ندخلو لها السنة المقبلة، سواء الحوامض أو الخواضر أو الفواكه”، مضيفا :” البلدان المجاورة، كلشي كيهضر على نجاح المغرب”.

أخنوش هضر كذلك على عملية التلقيح ونجاح المغرب فمواجهة كوفيد، مشيرا إلى النتائج الايجابية اللى حققها المغرب بقيادة الملك محمد السادس في مواجهة هاد الظروف الصعبة.

وقال اخنوش :”هادي ماشي وقت شد ليا نقطع ليك”، مضيفا :”فهاد الظروف الصعبة خصنا نكونو كاملين مع الوطن”.

وأردف المتحدث :”الناس مزيرين ومكيلقاوش الخدمة وكاينا صعوبات”، مردفا :”هادشي كيخلق أزمات والوقت صعيبة”. مشددا :”الوطن فوق كل شيء وخاص رجال ونساء اللي قادرين يخرجو المغرب من هاد الأزمة”.