ميريكان حكمات على مصممة أزياء مشهورة بعام ونص ديال الحبس.. كتصدر جلود ديال التماسيح واللفاعي
نجوى المالحي-كود//
شاركت الممثلة أحلام الزعيمي تجربتها في تسلق جبل “توبقال”، وقالت عليها أنها تجربة زوينة، ما فيهاش غير المجهود الجسدي فقط، ولكن هو انتصار كبير، كيحس فيه الإنسان براسو في القمة.
الزعيمي، نشرات تصاور على حسابها في انستكَرام، كيوثقو للحظة وصولها لأعلى قمة جبلية في المغرب وفي إفريقيا، ورفقات المنشور بتدوينة باللغة الفرنسية، وصفات فيها الشعور ديالها، وقارنت الصعود للجبل بالصعود في الحياة.
أحلام قالت أن الصعود هو الهدف لي حدداتو مع راسها وكيف الجبل كيف الحياة، بالنسبة ليها المهم هو كيفاش، والوسائل المتوفرة باش قررت أنها تطلع، والطريق لي تبعات.
وفي التدوينة، ما نساتش الزعيمي تهضر على الجمال ديال الأطلس، ووثقاتو بصور عبر ستوريات.