عفراء علوي محمدي- كود//

تعرضات أستاذة لاعتداء من طرف والد التلميذ ديالها، لبارح الجمعة، بمجموعة مدارس بجماعة الويدان نواحي مراكش، بعدما اقتحم القسم ديالها وتهجم عليها بالسب والشتم وتخسار الهضرة.

مصادر أكدات أن والد التلميذ دار هاذشي باش يحتج على النقط الكارثية للي حصل عليها الإبن ديالو، وهاتشي تسبب للأستاذة في انهيار عصبي حاد، خصوصا وأنها حاملة.

وحاولوا مجموعة من الأساتذة يهدؤوا من روع الأب واقترحوا عليه يتابع الأستاذة حسب المساطر القانونية الجاري بها العمل، لكنه رفض، واستمر في الغوات.

ومن بعد ما اتصالوا أساتذة بالسلطات المحلية، حضروا رجال الدرك، وقاموا باعتقال الأستاذ، وعيطوا للومبيلونس للي هزات الأستاذة للسبيطار.