كود – عن الوكالات//

عائلة أمريكية فضلو يحيدوا لبنتهم عينيها على يشوفوها كتعذب وتتألم بحيث بقات كتبكي لـ16 ساعة متواصلة بلاما تحبس.

البنت اسمها “بريمروز أوستن” عندها 5 سنين، تولدات بعينين لونهم فضي وعلى امتداد هاد السنوات كان بنادم معندوش معاها وكانت منبوذة.

العائلة لي مربياها عرضوها على 11 خبير ولكن حتى واحد معرف شنو المشكل، وفي الأخير جا القرار الصادم بأن الحل الوحيد باش متبقاش المعاناة ديالها هي تحيد عينيها.

من بعد العملية البنيتة تعلمات تمشي وتتحرك وبدات كتضحك وتتعلم حتى كيفاش تدوي.