الرئيسية > آراء > أبطال الـواجـب
08/04/2020 14:10 آراء

أبطال الـواجـب

أبطال الـواجـب

د. مراد علمي//

أبطال الواجب الدكتورة مريم أصياد، د. نورالدين بن يحيى

ما بخلتوا، ما تساومتوا، صارعتوا، قاومتوا الحمّى، العافية،

بلا ما عمـّرها تجيكوم للبال، واش نخروج من هـاد الحــرب

مْعادل، خاسر، لأن كل واحد منكم، حرفـتــو، ناسو حـبّ،

كان كبير، صغير، عندو، ما عندوش، روح الواجب بوصلة

فى الليالي، الصيف، الخريف، هادي هي الوطنية، الرّجلــة،

ولوْ حتى أجمل نهار فى الصيف، غادي إتبعــو الخــريف

بغينا، كرهنا، هادا القدر، ثقيل، سخيف، علكة هاد الضيف،

ما عرض عليه حـدّ، ما قالــّـو حـدّ بـْرك، مربحة بيـك،

دخل للجامع ببلغتو، بلا ما يتوضــّى، ما عـرف شقيق،

كيعمل اللي بغى، خـْـدا هادا، لاخور معاه، حنا محتاجين
فى وقت الشـدّة المعرفة، العلم، عاد كيبان شحال ثمين.

 

جْناح القدر خداوْكم، حجبوكم علينا، على النور، الكــون،

باقييين فى قلوبنا، على يدّيكم جات الفرحة، الفرج، الميمون،

شحال من واحد تشافى، تعافى، طلب من الله القدير، المجيب

يحفظكم للاهلكم، للبشرية جمعاء، كان بعـيد ولا ّ قــريب،

لأنه اللي فى القلب، بلاصتو مضمونة، بالــود محصونة،

بالعطف، بالمرحمة، المواساة، التحنن، بالرقة مقــرونة،

اللي فى الجوارح، القلب، ديما فى القلب، فى الـذاكـرة،

طال الزمان، عملات اليدين، الرجلين المحاين قـصيرة.

 

الأبطال ديما أحرار، ختارهم القدر، ديما قـدوة، نور،

قـْـطيرات خدودنا تـمـنــّـاوا ليهم السعادة وقت العبور،

المودة، الإخاء، الحب لهيب كتاسح الخضر، اليابـس
بالورد مفرّش، تخدّر، ريحتو الفوّاحة، حُـلة جديدة لابس.

 

بزاف بيهم، لا من مقـدمين، قيياد، قايـْـدات، فرمليات،

رجال النظافة، شـْـيافر، دوّروا العجلة، ستحقـوا هديات،

رماوْهم المواطنين بالورد، العطف، بلهجة، لغة جديدة

ما عمــّـرنا سمعنا، كولــّـها شوق، أمــنيـات ســْـديـدة.

 

لالا ّ مولاتي، ماشي عـقاب، ولاكن مغزى، هدف الحياة،

هاد الشي كان دارْكو الدكتور بن يحيى، عارفاه الـذات،

بلا ما إخمّم ولا جوج مرّات، سوّلوه تعاونـّا، تقهــرنــا،

ردّ عليهم بروح وطنية عالية، تضحية، اليد فى اليد درْنا.

كان يمكن ليه يستفد من التقاعد المريح، بلا حريق الراس،

ولاكن هادا وطني مثالي، ضحـّى بأعـز ما عندو يا ناس،

راجل نموذجي، بحال النـجوم إيلا بغيتي تلمسهم، تقبطهوم،

عملية مستحيلة، ولاكن يمكن ليك تتاخدهم بوصلة المحروم،

ما مشى لا ضحية، لا هباء منثورا، هادا، هادوا أبـطــال

ماشي نظرا للقوة عضلاتهم، ولاكن للقوة قلبهم، اللي نال

حب الناس، لبسوا كسوتهم، خدموا، المواطن عندهم عزيز،

مكرّم، عليه فداوْا ذاتهم، عمرهم، صلب الإهتمام، التركيز.

الله يرحم أرواحهم الطيبة، الراقية!

موضوعات أخرى

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:19

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة

28/03/2024 22:00

الأمير هشام العلوي عطا محاضرة فمعهد الدراسات السياسية فباريس على دور السياسة فالتقدم الاقتصادي فمنطقة الشرق الأوسط و دار مقارنة بين الانظمة ديال الخليج و ديال شمال افريقيا

28/03/2024 21:30

ضوسي السمسرة القضائية.. غرفة الجنايات بكومناف حكمات على عصابة ريبكو ليفها قضاة ومحامين وسماسرة بالحبس والغرامة