الرئيسية > آراء > آ سيدي سعدات الرجال فهاد البلاد ! فاش كانشوف كيفاش مت نزار السبيتي كاتدوي عليه و كيفاش كادير ليه الماركوتيغ كانقول سعداتكم بماواتكم ! وا تقدر تكون كيما كنتي فاشل فحياتك او مريض مثلا او خايب بعقلك ماشي بعقلك ! راسك قد الطارو د نيدو ! غاتلقا ديما مك كادافع عليك و كاتگوليك ” الف وحدة تمناك”
08/07/2021 16:00 آراء

آ سيدي سعدات الرجال فهاد البلاد ! فاش كانشوف كيفاش مت نزار السبيتي كاتدوي عليه و كيفاش كادير ليه الماركوتيغ كانقول سعداتكم بماواتكم ! وا تقدر تكون كيما كنتي فاشل فحياتك او مريض مثلا او خايب بعقلك ماشي بعقلك ! راسك قد الطارو د نيدو ! غاتلقا ديما مك كادافع عليك و كاتگوليك ” الف وحدة تمناك”

آ سيدي سعدات الرجال فهاد البلاد ! فاش كانشوف كيفاش مت نزار السبيتي كاتدوي عليه و كيفاش كادير ليه الماركوتيغ كانقول سعداتكم بماواتكم ! وا تقدر تكون كيما كنتي فاشل فحياتك او مريض مثلا او خايب بعقلك ماشي بعقلك ! راسك قد الطارو د نيدو ! غاتلقا ديما مك كادافع عليك و كاتگوليك ” الف وحدة تمناك”

سهام البارودي – كود//

علاقة الأمهات المغربيات بولادهم غريبة بزاف ! الرجال فالمغرب عندهم الزهر لي كايهرس الحجر ! واخا كايدير ثلاتين ربعين عام كايمشي  و داك الحبل السري مازال مربوط بيه مع مو ! ماقطعوهش ليه فالسبيطار ! تلقاه مثلا داير شي جريمة خطيرة ! ذابح شي واحد ! موقف طرامواي ! قاتل ! شافر ! ناصب ! ارهابي شنو مادار فاش كايديرو ڤيديو مع مو كاتبدا تمدح فيه فحالا والدة لينا مالوما ! وا هوا جبهتو مكتوبة فيه ” الله يقربلها” و مدوز الحبس و ماخلى تا مونتيف ماتشدش عليه و كاتلقاها كاتوصف  فيه فحالا كاتوصف فعمر بن الخطاب ووليدي دريويش ! و مايديرهاش ! و غي ماعندو عقل ! و ضريف معانا و مع خوتو و مع الجيران ! و غي تعداو عليه فاش شدوه! كانطالبو سيدنا يتدخل! ديما ولدها زوين و ضحية واخا يكون قاتل سبعين واحد !

و كايطيرو فالماركوتينغ ! كاتبيع ليك ولدها فحالا راه قاضي كايحكم فالنقض و الابرام ! فالقصة ديال نزار و ندى و بعد التطورات الاخيرة لي شافوها المتتبعين خرجات مو كاتقول بلي هوا كان مزيان ! بيخير و على خير ! غير السبور و الدار و مهلي فراسو غي عرف ندى و هوا يتبدل ومرض و سحرات ليه و و و ! في حين انه اي واحد ضرب طليلة على ڤيديوات ديال الدري شحال هادي قبل اصلا مايعرف ندى غايبان ليه بلي بلاصتو فالسبيطار باش يداوى ! الدري مريض و المرض ماشي عيب ! ماشي هبيل ماشي نية ! مريض خاصو يكون فالسبيطار ديال الامراض العقلية و النفسية و يمكن ماكانش خاصو يتزوج اصلا ! و هاكاك مو خطبات ليه ندى و استقبلتهم فالدار و مصرة انها تبيعو لينا على اساس انه راجل بعقلو كامل مكمول زوين ضريف ماخاصو تاخير و بلي ندى محظوظة بزاف لي تجوجات بنزار بالرغم من انه هي براسها كأم كاتعاني الويلات مع ولدها لي مريض نفسي.

و هذا حال بزاف ديال الأمهات المغربيات لي عوض انهم يعرفو القيمة الحقيقية ديال ولادهم كايبداو ينفخو فيهم و يزرعوا فيهم واحد الاحساس بلاسيبيريوريتي !كاتلقاه ماخدام ! ماردام! ماقاري! ما زوين ! ماعندو فورمة ! ما كايعرف يهضر ! ماكايعرف للرومانسية ! شبعان عقد و امراض نفسية و جسدية و هاكاك مو لامشات تخطب ليه غاتگوليهم بلي ولدها الله يعمرها دار و زين و راجل و ضريف ! و غاتبيعو للنساب و للزوجة المستقبلية فحالا عطاتهم سوارت الربح هي عاطياهم غا خطية كاتمشي على رجليها ! كاديه المرا كاتلقا راسها فمواجهة مع كارثة طبيعية ! اعصار كاترينا عايش معاها ! خاصو يتعاود فالتربية من جدة و جديد !

هاد الاطراء و هاد التعامل طبعا ماكايكونش مع البنات ! البنت ماعندهاش هاد الزهر كامل مع مها ! بالعكس تقدر تكون كاتعاونها و تشقا ليها و فاش تجلس وسط العيالات تقوليهم ” والو ! و الله الكاس ماكاتهزو ” و لا تشوفها ترقعات شوية و تبدا تبتز فيها عاطفيا و ماليا باش تصرف عليها و على شي خوها شومور ولكن عند مو هوا احسن راجل فالعالم !

وا الأمهات ! وا قطعو الحبل مع ولادكم راه كانتعكلو فيه ! باراكا ماتنفخو ليهم فالبعرة و تتخايلي راسك ولدتي احسن راجل فالكون ! راه ماشي حب هاداك ! ماشي “كبدة” ! هادشي سميتو الضسارة و التربية العوجة لي كاتصنع رجال مامفطومينش من بزولة مهم ! ماعندهم حس المسؤولية و الالتزام و الاحترام للناس و للجنس الآخر ! كاتولدي كارثة و طلقيها للمجتمع تعاود تنتج كوارث اخرى !

موضوعات أخرى

28/03/2024 19:50

الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف

28/03/2024 19:30

جبن وزير النقل. سولوه على التطبيقات قال ليهم خاص موافقة الطاكسيات الكبار والصغار واخا شي وحدين مشوهين البلاد – فيديو

28/03/2024 19:00

الإعلام الجزائري خرج خبار فايك على نشر المغرب تصويرة للتراث الجزائي.. ومصدر لـ”كود”: كيف عارف كولشي السلهام مغربي

28/03/2024 18:30

الحشيش اللي شدو البارح وتقتل فيه بزناس طلع عندو علاقة بالحشيش لي لقاوه فسيدي رحال و”گود” جابت تفاصيل العملية

28/03/2024 18:00

تهديدات داعشية بالقتل لناشطات فالحريات الفردية. نادر ل”كود”: وجود لائحة كيبين باللي كاين رصد وتتبع وهاد الشي ما كيخلعنيش

28/03/2024 17:30

فيومين.. شكايات جداد بـ”الفساد المالي” طاحوا عند الوكيل العام ففاس.. ومصدر لـ”كود”: وحدا فيها مشات للبحث والباقي قيد الدراسة

28/03/2024 17:00

واش هيرفي رونار كيضغط على الركراكي باش ياخد بلاصتو؟ الفرنسي جاهم من اللخر: باغي نلعب مونديال 2026

28/03/2024 16:30

خبير صبليوني لجورنال “أ. ب. ث”: المغرب دولة ذات سيادة وقادرة تدير مناورات بحرية فين ما بغات من مياهها الإقليمية والوقت اللي يناسبها بلا إذن شي طرف خارجي