كود اسماء غربي ////

المنتخب المغربي لكرة القدم لعب البارح وتقاتل فمالي في اطار الجولة الرابعة من تصفيات المجموعة الإفريقية الثالثة المؤهلة لنهائيات كأس العالم لكرة القدم روسيا 2018. فلت زياش بيلانتي وزكل طنان كورة راسو راس الحارس. يعني كان قريب من الرباح وتعادل. غير هاد التعادل خلى لمغاربة مقلقين. كيسبو كيغوتو. يا خوتي لمغاربة. اولا هاد المنتخب يالله شاد الطريق. وغادي فالطريق الصحيح واخا ما يتأهلش للمونديال. هادي قل من 3 سنين كان المغرب كيحلم يتاهل لنهائيات كأس افريقيا للامم ودابا باش بان الامل فكاس العالم كلشي ولينا فهامينية فالكورة. ها اللي خاص رونار يدير ها اللي خاصو ما يديرش. شي صحافيين متخلفين كيديرو التشكيلة للمدرب كاع بحال هاداك ديال “الرياضية”. وعوض ما تكلم فشي حاجة بعيدة عليك دير غير خدمتك مقادة انت مقابل غير الغوت. شوف سيادك فالدول المتحضرة منتخب المانيا وغيرها يربحو كأس العالم والصحافي ينقل بهدوء ما يقع. يخسر يربح نفس الاسلوب نفس الطريقة.

دابا المنتخب المغربي عندو 6 نقاط وبعيدة عليه الكوت ديفوار بنقطة فقط وفايت الغابون بنقطة. اي ان حظوظو للتأهيل فيدو ماشي فيد غيرو. عندو ماتش يوم 7 اكتوبر بملعب محمد الخامس بالدار البيضاء ضد المنتخب الغابوني خاصو يبربحو هادا ما فيهش نقاط باش يخلي حظوظو فالتأهيل قائمة. التعادل مع الغابون وانتصار الكوت ديفوار فماتشها مع مالي يعني رسميا تأهل الايفواريين واخا يخسرو مع المغرب فالماتش الاخير يوم 6 نونبر. هاد الشي علاش قلنا خاصو يربح ماتش الغابون. بالاضافة الى رباحو للغابون خاصو يعرف اش غادية دير الكوت ديفوار مع مالي. ايلى ربحات الكوت ديفوار نهار 6 اكتوبر بباماكو. ما علينا الا ربحوها فاخر ماتش يوم 6 نونبر بالكوت ديفوار ولا تعادلو غادي يكفينا تعادل وندوزو ولا خسرو التعادل كذلك كافيينا.

شفتو المغرب عندو حظوظ. حظوظ بحالو بحال عدد من المنتخبات العربية بحال تونس ومصر.