المخرج ادريس اشويكة //////
السينما المغربية كان عندها مدافع صحيح –نورالدين الصايل- لأنه من عشاق السينما لكبار ومن لعلما الحقيقيين ديالها، وكيحترم السينمائيين وأغلبهم أصدقاءه، في المغرب وخارج المغرب.
كيف كان عندها مغرق صنطيحة –فيصل لعرايشي- لأنه كيغير من المخرجين السينمائيين وكيكرههم، حنت كان كيحلم إكون مخرج وما سهلش الله وولى نازل على السينمائيين وملي ولى باطرون ديال التلفزات المغربية جرى على المخرجين وما خلاهمش يبقاوا إديروا الأفلام والمسلسلات بحال في كاع تلفزيونات العالم، وحبس المساهمة ديال التلفزيون في إنتاج الأفلام السينمائية وخا كاينة في دفتر التحملات ! حنت كيعتبر راسه فوق القانون والتلفزيون ورث خلاه ليه الواليد !
دبا منين مشى الصايل وبلاصاه صارم الفاسي الفهري كملات الباهية لأن صارم ماشي من عشاق السينما، غير بزناس في السينما كيكري المتيريال وستيديو ديال التورناج، تحالف مع لعرايشي حنت ضمن ليه الخدمة ديال ستوديو والمتريال دياله مع التلفزيونات، وولى عند السينما المغربية جوج غراقة، غرقوا لباباها الشقف ومحاوا ليها لثر في مهرجان مراكش في انتظار يمحيوا ليها لثر بمرة.
هادا علاش طاروا الأفلام المغربية من مهرجان مراكش ويمكن اتمحى لثرديال السينما المغربية بمرة كاع، الله إنجينا وإنجيكم.
وبه الإعلام والسلام.
دعيوا معاه الله إجيب ليه شي خديمة مع شي تلفزيون في شي دولة خرى أما في المغرب لعرايشي وسليم الشيخ مطرقين عليه البيبان بجوج زكارم !
