رشيد هل لغلام////

أوقفت عناصر الدرك الملكي التابعة للقيادة الجهوية لكلميم، أخيرا، عصابة إجرامية متخصصة في السرقات الموصوفة وسرقة المواشي.

الجدارمية قلبو على العصابة وشدو 4 من أصل 6 العناصر، مباشرة ملي شكا مالك فيرما في جماعية أسرير، بعدما شدو ليه السارح ديالو وكتفوه وضربوه وسرقو ليه عشرات رؤوس الأغنام لي كان سارحها.

عملية الاعتقال مكنت من حجز الأغنام قبل بيعها، وحجز 2 كاط كاط، كانت العصابة كتخدم بيها وكتهز فيها الأغنام وكتدكسهم بطريقة احترافية داخل السيارتين، إذ حسب اعترافاتهم قدرو يخشيو في السيارة 20 حولي.

وماشي غير سرقة المواشي، العصابة وقعت أيضا على عمليات سرقات أخرى بالمنطقة، وكان ضحاياها تجار ونساء.