28/04/2024 22:00
الشيبي للاتحاد المصري: واش إلى تعديت على الشحات فالماتش الجاي غتوقفوني بحالو غير 2 ماتشات؟ مشيت للسلطات حيث ما عطيتونيش حقي
كود عادل المكناسي ////
عزيز اخنوش وزير الفلاحة والصيد البحري غادي يكون احسن بكثير من صلاح الدين مزوار على راس التجمع الوطني للاحرار. الحزب اللي ما بقاوش كيوصل للرئاسة ديالو الناس اللي بداو فيه بل اللي كتختارهم الدولة. حزب ارتبط منذ الولادة بالقصر الملكي وظل كذلك الى اليوم. دابا ما تبدل حتى شي حاجة. هو اقرب الى نادي يجمع الليبراليين ديال الاقتصاد ماشي ديال المجتمع والدولة ديما حاطاه رويضة سوكور للنخب وللحكومات.
دابا باش مزوار استاقل وجا فبلاصتو اخنوش وهاد الشي غادي يكون رسميا نهار 29 اكتوبر 2016 الامور غادية تتغير.
الاحرار داخل للحكومة ودابا طلبو منو غير يزايد لان مكانو ديما هو الحكومة بحال الحوتة مع الما ايلى خرجتيها غادية تموت. الاحرار كالو ليه يكول توفر الشروط للمشاركة” بمعنى يلوي يد رئيس الحكومة المعين عبد الاله بنكيران ويخليوه يتسنى. طبعا بنكيران عندو باش يلعب. ايلى قبلات الاستقلال المشاركة فالحكومة الامور غادية تقاد اكثر.
الاحرار مع اخنوش سيكون افضل من زمن مزوار. اخنوش عندو علاقات جيدة مع بنكيران ما تاثراتش بزاف بقضية “صندوق التنمية الفلاحية”. كما ان له علاقة قوية مع القصر. ماشي غير هاد الشي عندو صداقات مع تيارات سياسية مختلفة. هو رجل توافقات قادر يوصل اللي بغى.
هو يعرف ان المغرب يحتاج الى حكومة قوية وان الاسلاميين اقوياء اليوم. سيكون لاخنوش مهمة اخرى ارجاع الثقة اللي بانت مفقودة بين رئاسة الحكومة والقصر الملكي في اخر ولاية بنكيران. سوء الفهم اللي وقع بدا كيتوضح.
اخنوش غادي يدير خدمة احسن من مزوار غير خاصهم يخليوه يخدم بوحدو. كثرات الاراء غادية تخرج عليه وعلى المشروع اللي جاه. تحالفو مع ساجد ديال الاتحاد الدستوري خطوة فالاتجاه الصحيح. غير خاص هاد الاحزاب ما تندمجش مع شي حزب اخر. يالله بدات اللعبة
