كود اسماء غربي ورشيد هل لغلام ///

فضيحة مدوية علمتها “كود” بطلها محمد منير الماجيدي مدير الكتابة الخاصة للملك محمد السادس. فخلال الاسبوع الجاري حل عون قضائي، يقول مصدر “كود”، بكتابة فيدرالية الناشرين. جاء لتنفيذ حجز على ممتلكات واموال الفيدرالية، وحسب مصدر “كود” ان الفيدرالية صدمت من التصرف وزادت صدمتها بعد علمها بالسبب. العون القضائي تضيف مصادر “كود” اخبر المسؤولين ان الامر يتعلق بتنفيذ حكم صدر ضد أسبوعية عبد الهادي العلمي “مغرب اليوم” واللي هو ماشي لا مدير النشر لا كاتب المقال.

الحكم الاستئنافي أيد الابتدائي اذ حكم على الصحافية ومديرة النشر ب500 الف درهم مع 20 الف درهم غرامة.

العون القضائي قال ان محامي الماجيذي اللي هو محامي الملك واللي اسمو هشام الناصري هو اللي رسلو تقول مصادر “كود”.

هاد الشي يسيء للمغرب للملك اللي مخدم بحال الماجيدي وغدا يكون فكل التقارير الدولية. اولا العلمي قانونيا غير مدان وحتى لو انه مدان علاش ما يمشيش لعشرات الشركات ديالو، علاش جاي لتنظيم مهني، فين كان فالتاريخ ان الحكم على صحافي كيمشي للفيدرالية باش يحجزو على حسابها. لحسن الحظ ان الفيدرالية كالت للعون القضائي سير تلعب