كود هناء ابو علي وعلي الصافي ////
استعدادا للزيارة الملكية المرتقبة لمدينة العيون ومنها الى مدن صحراوية اخرى تعمل البلديات والسلطات ليل نهار كي تجهز قبل ان تطأ رجلي محمد السادس ارض مطار الحسن الاول.
في كل حي بالمدينة وفي كل شارع من شوارعها الكبيرة وفي كل ساحة من ساحاتها حركة وعمال “الناس خدامين بالليل وبالنهار والمدينة محركة بزاف” يقول احد سكانها ل”كود”. الداهي اكادي رئيس جمعية مفقودي البوليساريو ومن خيمة كبيرة فالعيون٬ كيف ما كيكولو =ولد عائلة معروفة= قال في فيديو ل”كود” لو ان الملك زارنا 4 مرات لتحولت العيون الى نيويورك.
لكن هذا التحول احتاج الى استثمارات استثنائية. فساحة المشور مثلا تشهد بناء “خيمة كبيرة” منها يتوقع يلقي الملك محمد السادس خطاب المسيرة الخضراء وفي ملعب الاغضف تشهد بناء خشبة كبيرة سيحيي فيها فنانون مغاربة سهرات بالمناسبة. غير جوج هاد المارشيات يعطيو فكرة على حجم الاستثمار. ولكن واش تم اعتماد قانون الصفقات العمومية؟
طبعا لا “ما يمكنكش. تخبرنا باقل من 27 يوم يستحيل نديرو صفقات عمومية” يقول مصدر ل”كود”. الشركة اللي ربحات هي “افان سين” شركة رباطية يملكها جمال الدبوز مع شريكة اخرى “علاش عطاوها لهاد الشركة دون غيرها. فالمغرب كاينين شي 5 الشركات اللي يمكن يديرو هاد الشي وهي مشاريع مكلفة جدا والمارشيات قلال ماشي كثار وايلى خذات هاد الشركة هاد المارشي بلا طلبات عروض اش غادين نديرو حنا” يقول مالك احدى الشركات ل”كود”.
ماشي غير “افان سين” اللي مادارتش طلبات عروض٫ حتى شركة ديال بيفواك =الخيمات= يسمى لمنور حصلت علي صفقتين بالعيون٬ بناء خشبة بملعب الاغضف لكرة القدم، بالاضافة الى خيمات قرب وادي الساقية الحمراء في الجهة المقابلة للمدينة. نفس الشركة كانت حصلت على مارشي “مؤتمر كرانس مونتانا” بالداخلة “ناس خدمتهم مزيانين وسبق ليهم خدمو فالصحرا وباش تاكدنا من الزيارة خاصنا الاحسن وجبناهم” يقول مسؤول ل”كود”. وفين الشفافية والحكامة والتنافسية؟ “باش تبقى ليك ايام وتتاكد الزيارة ما يمكنش تكون صفقات عمومية كتستاشر مع شركات وتاخد الاحسن والارخص” يرد مصدر “كود”.
شركة اخرى حصلت على صفقة كبيرة في العيون وهي “اوزون” وهادي كتكون ففاس وجات للعيون. تتكلف باعداد الشوارع العمومية والساحات. نفس الامر ينطبق عليها. قد تكون “العلاقات والتصاحيب واشياء اخرى وقد تكون سمعتها في السوق” هي مبرر اختيارها في اخر لحظة.
بالاضافة الى المارشيات لكبار هناك مارشيات صغار “المجلس البلدي بالعيون اختار مقاربة غير مسبوقة. لاحظتم ان المدينة كلها تشتغل. ففي كل حي تم اللجوء الى خدمات شركات محلية من ابناء الحي للتبليط والصباغة واشياء اخرى. هذا الامر حرك المدينة اقتصاديا وسيعود بالنفع على السكان والساكنة وهذا ما نريده”. رئيس الجهة حمدي ولد الرشيد المعروف بحمدي الصغير ابن اخ حمدي ولد الرشيد رئيس المجلس البلدي للعيون٬ قال في حوار ل”كود” يوم امس السبت ان كل الشركات الخدماتية في العيون تعمل هذه الايام. طبعا هذا الامر انعكس على الجو العام. العيون معروفة بكونها مدينة متوثرة غاضبة هذه المرة يكتشف الزائر الذي يعرفها مدينة اكثر ثقة بنفسها اكثر هدوءا مدينة تخلت عن كثير من غضبها وحولته لاطفاء جمالية للعيش المشترك بين الساكنة. يمكن على هاد الشي اصوات الانفصال اختفت على الاقل فهاد الايام.
