رشيد هل لغلام كود /////

كاين اللي كيستغل الجوامع والدين باش يستامل المصوتين وكاين اللي كيقدم ليهم النشاط من شيخات وموسيقى ولكن واحد المرشح باقليم النواصر من احزاب المعارضة قدم هدية مختلفة. فقد علمت “كود” ان مرشحا جاب البارح الاربعاء قبل يومين من الاقتراع٫ بيكوب بيضا من نوع “طويوتا” عامرة روج وماحيا. هاد الشي تم بدوار شربك باولاد عزوز باقليم النواصر فطريق ازمور.

حسب شهادات المواطنين ل”كود” “ناضت الحيحة وحتى السلطات اللي فراسها لخبار ما قدراتش تتدخل حقاش كانو الناس بزاف وخافو يهيجو عليهم السكايرية”. نفس المصدر قال ل”كود” ان ماحية دمنات خلات الشباب للي فاق هاد الصباح مبلق واللي ناعس يقدر يفيق ويكمل باللي بقى خازنو وما يفيق حتى الجمعة باش يصوت