كود سبور ////
فيما خسر المنتخب كيرجعوها للحكم. هاد الثقافة ديال الضعفا مازال ما قدرناش نتخلصو منها. البارح المنتخب المغربي الاولمبي خسر ضد تونس وبجوج لصفر لصقوها فالحكم الموريتاني محمد حمادة. كاليه عطاهم ضربة جزاء خيالية. هي ماشي خيالية خيالية. يقدر يكون فيها نقاش وصافي. ماشي مشكل. اللعاب اللي بسبابو عطا الحكم الموريتاني ضربة جزاء كعى. عطاه ورقة صفرا وطردو يعني انه عندو جوج الكارطات. وهو باش صفر الحكم على البيلانتي اعترض الحكم وهاد الشي ممنوع. لعاب اخر تطرد من المنتخب المغربي
الباسل بزاف فنهاية المباراة دارو بالحكم الموريتاني. البوليس التونسي بغى يحمي الحكم. تحاكو معهم لعابة المنتخب. بدات البونية. لمغاربة طلعو هواة ومتهورين وضاربو معاهم وناضت بونية والبوليس التونسي طلع متخلف حقاش ما عندوش الحق يضارب فالملعب مع اللعابة واخا يفقدو اعصابهم.
داها هاد بنعبيشة مدرب المنتخب المغربي الاولمبي خسر واقصى المغرب وشوهنا لانه بان ما متحكمش فاللعابة دياولو.
