جمال مايس كود بني ملال ===

عزيز الرباح وزير النقل والتجهيز واللوجستيك عندو مفهوم ستاليني للصحافة. فخلال كلمته بالمؤتمر الجهوي للبيجيدي ببني ملال امس السبت هاجم الرباح الصحافة ووسائل الاعلام المرئية حين قال :” خاص الصحافيين الاذكياء يلتاقطو الاشارات من كلامي ، بغينا الصحافة تكون معانا نزيهة ومع الاسف بعض الصحافيين أصبح قلمهم متخصصا للاساءة لهذا البلد “.

اش نا هي هاد الصحافة النزيهة حسب فهم الوزير القيادي في حزب العدالة والتنمية؟ الرباح قال “ما الذي يدفع البعض يديرو لينا برامج فالاسبوع الاول الشمكارة والاسبوع الثاني المشردين والاسبوع الاخر السرقة ، هادو بغاو السياح ما يجيوش لبلادنا ، هي مؤامرة على مسيرة البلاد”. واش هاد السيد باغي الصحافة ديال البرافدا.

الوزير طرك المعارضة وقال انها تسخر المسخرين بعضهم في الصحافة وبعضهم اداريين. الرباح بان مقلق ومعصب بزاف على الصحافة وماعاقش براسو وهو بطريقة هستيريا كايطلق المدفعية الثقيلة ديالو عليها .