كود هناء ابو علي /////
والي بنك المغرب عبد اللطيف لجواهري٬ والي بنك المغرب٬ ولد دار المخزن. كيعرف مزيان قواعد هاد الدار. وحقاش عارفها مزيان وباغي يمشي فحالو من بنك المغرب. هاد الشي اللي كيبان من تصريحو اللي دارو ل”ليكونوميست” بخصوص ما اثير حول تعيينه مستشار للملك محمد السادس. لجواهري قال “ما كاين اتصال. ما كاين نقاش على هاد الموضوع”. هو عارف ان النقاش او الاقتراح او الاتصال عندو قواعدو وباللي خرج لخبار سد هاد الموضوع نهائيا. السيد باغي يمشي يرتاح وينسى الهموم بعد ما عبر على رغبتو بمغادرة بنك المغرب على ود تخربيق بنعرفة. السيد كان موجد لتعويم الدرهم ومنسق مع وزير المالية وليلة قبل تلاقى بنعرفة وتراجع على هاد الشي.
دابا مازال الحديث على شكون يعوضو فبنك المغرب. الاسماء اللي كدور كارثية على لبلاد. كاين الفعفاع اللي سياسي وغادي يخرج على بنك المغرب وكاين بوهمو حسن اللي كان كيسير الشركة الوطنية للاستثمار الهولدينك الملكي وتعيينو فيه مشكلة كبيرة حتى هو مشكلة اخلاقية ماشي سياسية
