هناء ابو علي كود ////

علمت “كود” انس الصفريوي الرئيس المدير العام لمجموعة الضحى مشربن ومكشكش هاد الصباح بعد ان علم بالحريق الذي نشب في مقر شركته الكائن بطريق الرباط بالدار البيضاء. الحريق حسب مصدر “كود” اندلع بالطابق الثالث اي الطابق اللي فيه المدراء والرئيس: سعد الصفريوي وانس الصفريوي وجواد الزيات. يبدو ان تماس كهربائي تسبب في ذلك. بعد ذلك انتقل الحريق الى الطوابق الاخرى.

المثير ان العمارة حسب مصدر من “الضحى” ل”كود” ماشي قديمة “المقر تصايبات ف2012 و9 اشهر تقريبا وهما خدامين” يشرح مصدر “كود” ليعلق اطار سابق في المجموعة ل”كود” “هاد الشي باين فيه الغش والا كيفاش تفسر حريق بحال هادا فمقر مجموعة بحال هادي”.

يبدو ان تشكشيكة الصفريوي جات من ضياع لوحات فنية كثيرة بعد اندلاع الحريق. ففي مكتب الصفريوي توجد لوحة كبيرة للكلاوي عن حفل الولاء تحدد قيمتها في 300 مليون سنتيم يضيف مصدر ل”كود”.

مصدر “كود” توقع ان تأتي النيران على عشرات اللوحات “اللي كيعرف الضحى كيعرف باللي فيها عشرات اللوحات لفنانين مشهورين وكتسوى الملايير. دابا من السابق لاوانه تقييم الخسائر. حتى تطفى العافية عاد نشوفو راه 4 انفجارات وقعات بعد التماس وغادية تكون خسائر مادية كبيرة”.