ف الويكاند الفايت.. لاگوارديا سيپيل ف سبتة شدو مغربي حاول يهرب الحشيش ف قراعي د الحليب
كود كازا ////
كما كان متوقعا خلق الصحافي رشيد نيني الجدل حتى قبل أن تنطلق القناة ديالو الجديدة على النايل سات Télé Maroc.
نيني راهن على أسماء معروفة بالجراة ديالها بحال الصحافية بشرى الضوو اللي تشهرات بالبرنامج ديالها “ضربك الضوو”.
بشرى خلقات حتى هي المفاجأة شكلا ومضمونا دارت شعر كاري وبدات كتسلخ فالنجوم بطريقة جريئة ها اللي كيهرب من البرنامج ها اللي كيبكي فبرنامجها الجديد ” ضريبة الشهرة”.
البرنامج حقق أزيد من مليون ونصف مشاهدة فيومين فقط من بث إعلانه على الصفحة الرسمية للقناة على الفيسبوك.
هاد الأيام مكايناش شي هضرة خرى غير على الجرأة ديال البرامج ولبلاطوهات والمعدات من المستوى العالي.. داكشي فايت بزاااف هادشي اللي عندنا..
هادشي ماجاش بالصدفة بل ثلاث سنوات من التحضير فبرامج جريئة وماكتعتارفش بالطابوهات، هاذي أقل من صيمانة الصفحة الرسمية للقناة على الفيسبوك حققات أرقام قياسية من المشاهدة وليجيم، وبعض الفيديوهات الترويجية ديال القناة وصلو لمليون ونصف مشاهدة بعد ساعات قليلة من عرضها، في انتظار البث الرسمي على النايل سات قريبا.
كلشي متشوق يشوف هاذ القناة اللي كلشي كيتوقع أن بزاف د لمغاربة غادي يلقاو فيها داكشي اللي كيقلبو عليه وعمرهم مالقاوه فهاذشي اللي عندنا من قنوات وغادي يجمعو باليزاتهم ويسكنو فتيلي ماروك.