الرئيسية > آراء > نهار تكلم ابن عرفة البي جي دي. هان الريف وهان لمغاربة وذل حزبو: كاليك مناشدة سكان الحسيمة واتا شكون داها فيك حتى فحزبك باقي غا حكومتك وناس الريف
29/06/2017 08:20 آراء

نهار تكلم ابن عرفة البي جي دي. هان الريف وهان لمغاربة وذل حزبو: كاليك مناشدة سكان الحسيمة واتا شكون داها فيك حتى فحزبك باقي غا حكومتك وناس الريف

نهار تكلم ابن عرفة البي جي دي. هان الريف وهان لمغاربة وذل حزبو: كاليك مناشدة سكان الحسيمة واتا شكون داها فيك حتى فحزبك باقي غا حكومتك وناس الريف

كود احمد الطيب الحسيمة ///

هاد ابن عرفة البي جي دي غادي يغرقها للبلاد. بلا ما نهدرو على تصرفو على باش كيعرض على اللي بغى فوسائل الاعلام٬ بلاش اسيدي. غير هو دار تصريح زاد نزل قيمتو عند المغاربة اللي اصلا نازلة. ابن عرفة قال باللي خاص “”احترام المقتضيات القانونية في التعامل مع احتجاجات الحسيمة والتحقيق في أي تجاوز”

وقال باللي كيثيق فالقضاء “من أجل الترجمة الكاملة للتوجيهات الملكية لاحترام ضمانات المحاكمة العادلة، والتحقيق في كل مزاعم التعذيب وإجراء الخبرة الطبية اللازمة وفق القواعد القانونية المتعارف عليها عالميا”.

واش هادي هدرة كيكولها شي رئيس حكومة كيحترم راسو. انت راه فالجهاز التنفيذي يا ابن عرفة. هاد الهدرة ماشي انت اللي خاصك تقولها يا اللي وصل لمنصب ما يستحقوش بعد قصة الغذر الشهيرة اللي نفدها قادة من حزبك.

وبلا حيا بلا حشمة تحدث على ما وقع فالاثنين الدموي بالحسيمة اي نهار العيد وقال باللي حزين واسف على تلك الاحداث المؤلمة” اللي عرفات “جرح عدد من الضحايا سواء من المحتجين أو من قوات الأمن”. هنا ابدع نبعرفة باش دعا الى “ضرورة تضافر الجهود لتحقيق أجواء إيجابية” وطلب من ساكنة الحسيمة “التعاون من أجل إقرار الهدوء والأمن اللازمين لإنجاح المشاريع التنموية”.

هاد ابن عرفة اللي ما كيحتارمو حتى حد فحزبو من غير اللي دارو انقلابهم على بنكيران كيقول ناس الحسيمة اش دير. وقولها غير لناس حزبك يحتارموه. قولها غير لوزاء حكومتك يحتارموك. واش حتى واحد ما ماديها فيك انت وباغي تطلب من مدينة 8 اشهر وهي شاعلة ومن اسباب هاد الحراك وصول بحالك لمناصب اللي فيها اليوم٬ وكتناشد. شكون داها فيك شكون مسوق ليك.

باش تعرفوه ما فاهم والو فهاد البلاد كيهدر على المشاريع. وكولها انت وحكومتك هاديك المشاريع. كولشي ولاد الحسيمة ما بقاوش باغيينها يا ابنعرفة. الناس ما بقاوش كيهدرو على المشاريع. كل نهار عندهم اولوية جديدة وعلى رأسها اليوم يشوفو ولادهم اللي فالحباسات. بنعرفة غادية يبقى بنعرفة. واحد ما متيقش باللي وصل لمنصب وباش كيهدر كيضحك عليه صحابو قبل من خصومو

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري