كود اسماء غربي /////
ابن عرفة العدالة والتنمية اللي ظاهريا رئيس الحكومة لابس لبسة كبيرة عليه. ديما كيدير اختيارات كتطيح من قيمتو وتزيد تشوه حزبو اللي بان فيه انتهازيين كثار فالصف الاول فيه. فاجتماع الاغلبية الحكومية مع وزير الداخلية عبد الوافي لفيتيت حول “مستجدات الاوضاع في اقليم الحسيمة” الاحزاب رسلات ناسها ماشي الرئيس ولا الامين العام ولكن العدالة والتنمية حضر باسمها ابن عرفة بصفته رئيسا للمجلس الوطني.
واخا كون كان فالمغرب ما غاديش يحضر عبد الاله بنكيران الامين العام للحزب ولكن كان ممكن يمشي نائب الامين العام ماشي اللي رئيس حكومة. فالتجمع الوطني للاحرار رسل رشيد الطالبي العلمي والحركة الشعبية رسلات سعيد امسكان والتقدم والاشتراكية رسلات خالد الناصري. غير الاتحادين الاشتراكي والدستوري اللي حضر رئيسهم او امينهم العام: ادريس لشكر ومحمد ساجيد
طبعا عارفين علاش دار الاجتماع وباش خرجو عاودو تقريبا نفس الهدرة: ما تمسوش الثوابت ما ما ما ما.
