كود علي الصافي العيون //////

مجزرة العيون يوم الاربعاء الماضي بين مجموعتين حول سرقة كيلوات لحشيش بدات بالاجرام اي واحد شفر للاخر حشيش ديالو وهاد الشي فاخفنير ماشي حتى لعيون. هاد المشهد بوحدو مؤلم. المهم تطلق القرطاس وناضت ولكن باش جولة اخرى من المواجهات سالات فالعيون عاد اكتشفنا هاد العالم ديال السيبة.

القضية اخذت بعدا اخر بعد اكتشاف الهوية القبيلية لبعض المعتدين. سالات قضية الحشيش وولات قضية قبيلة. علاش واحد من ديك لقبيلة يتعدى على لاخر من قبيلة اخرى. في المجتمعات القبيلية لا صوت يعلو على صوت القبيلة. ما يقترفه فرد منها وان كان مخالفا للقانون وللاعراف ليس لاحد من قبيلة اخرى ان يحاسبه والا هو اشعار ببداية حرب ولا بدات اش جاب ما يوقفها.

المشكلة الكبيرة ان مدينة العيون فيها قبائل كثيرة ولكن سياسيا كتهيمن اركيبات فالحقيقة فرع فيها على الساعة من خلال ال الرشيد. ذكاء ودهاء حمدي ولد الرشيد جعله يتربع على عرش البلديات والجماعات وهيئات مهنية بالصحراء. تم تهميش قبائل اخرى كانت الى عهد قريب تتحكم في المجلس البلدي والاقليمي ووو لمدينة كالعيون.

هذه الهيمنة دفعت بالخصوم في الانتخابات البلدية الاخيرة الى الانسحاب من السباق فلم يترشح اي احد من ال الجماني بالعيون واخا حتى هما اركيبات واكتفى حزب الاصالة والمعاصرة بترشيح لائحة نسائية. دابا جاية الانتخابات التشريعية فاكتوبر المقبل، التوقعات الاولى كتكول باللي حزب الاستقلال مع ال الرشيد ضامن مقعدين من اصل 3 غير فمدينة العيون. ولكن هاد الشي كلو خاص نتسناو ونشوفو واش ادبدا كيف ما كيروج دابا غادي يقود لائحة الاصالة والمعاصرة. ايلي ترشح غادية تكون مواجهة سياسية كبيرة وهاد المواجهة ممكن تتطور.

الله يحفظ وصافي اش غادي يوقع فشهر اكتوبر المقبل، المهم كل واحد كيمضي من دابا. الدولة خاصها تتدخل وبقوتها. ايلى شعلات غادية تحرق كلشي