كود كازا ////
مغاديش اتمكن محمد الناهيري، لاعب الوداد الجديد، من اللعب في الماتش لغادي العبو الوداد ضد الكوكب برسم كأس العرش، بسباب الإصابة لكيعاني منها منذ مدة.

الناهيري سينا في الوداد وهو كيعاني من إصابة في رجلو، ماشي صعيبة، إصابة تعرض ليها مع المنتخب المحلي في الماتش ضد ليبيا، للعبوه المحليين فتونس، وكان خاصو اشارك مع المنتخب المحلي في الماتش مع مصر، ولكن الإصابة مخلاتوش اشارك ورجع للمغرب مع صاحبو في الفتح نايف أكرد لتاهو كان كيعاني من الإصابة.

ومن نهار وقع الناهيري للوداد مشارك فتا حصة تدريبية، ولا ماتش بسباب الإصابة، وبقا غير كيدوى باش ارجع الفورمة ديالو وكون حاضر في الماتشاش جايين ديال الوداد.

الناهيري كان لاعب أساسي في فريق الفتح الرباطي، ونجح الناصيري في شراء العقد ديالو من الفتح مقابل 180 مليون سنتيم.