حكيمة لعروسي كود ////

بعيدا عن الحقد الطبقي والتسميات بحال ولد الفشوش ….. اشنو المشكل أن الشاب عندو الفلوس وعايش زاهي مع راسو بصحتو والف بصحتو …..

الشرب حرية خاصة اللي بغا يشرب وعندو باش بصحتو واللي دار شي ذنب تايتحاسب عليه بوحدو ماغاديش تتحاسبو معاه في قبرو …

القضية اللي وقعات بلا ما دخلو فيها الدين والسياسة …..
انا ضد الحقد الطبقي وماشي ضد الحريات الفردية وبغيت نقوليكم بلغة العقل والمنطق :
السكر حرية شخصية ولكن السواقة تحت تأثير الكحول تهور وجرم لأن فيه اعتداء على حرية وسلامة الآخرين والواقعة اللي شفنا كاملين فيها ثلاث جرائم موثقة بالصوت والصورة وهي السكر البين والسياقة تحت تأثير الكحول وإهانة الضابطة القضائية

وكان من المفروض ان القانون ياخد مجراه فمرتكب هذه الأفعال يتم إخضاعه فورا لتدابير الحراسة النظرية ولا ترفع عنه إلا بعد تقديمه امام أمام النيابة العامة بعد أداء كفالة مالية مع سحب رخصته في انتظار الحكم وغالبا يكون غرامة مالية والحكم بالسجن مع وقف التنفيذ …. هاد لكلام استشرت فيه محامي قبل مانكتبو ..

المهم هنا كان لازم يمشي مع البوليس للكوميسارية بالمينوط في يديه سواء عندو سيمكا او فيراري عادي القانون خاصو يتطبق علينا كاملين وهنا كانت مخالفة من الضابط و حاليا السيد الحموشي اوقف الضابط مع فتح تحقيق والقانون غادي ياخد مجراه …

بلا مانديروها قضية سياسية او دينية …
رسائلي للكبار فهما لا الكبار سنا .
الله يجيب اللي يفهمنا ولا يعطيناش .