كود هناء ابو علي الرباط ////

دافع قيادي تجمعي رفض الكشف عن اسمه عن رئيس حزبه التجمع الوطني للاحرار عزيز اخنوش٬ وقال ل”كود” ان هناك ظلم كبير للرجل من خلال الهجوم الذي تعرض له في وسائل التواصل الاجتماعي وتقديمه على انه معرقل تشكيل الحكومة.

مصدر “كود” قال ان بنكيران مسؤول على جزء كبير من الازمة او البلوكاج الحالي٬ وذكر ان رئيس الحكومة المعين ارتكب خطأ منذ البداية “باش بدا يقبل بمشاركة الاحزاب السياسية ورجعهم ارقام بلا ما يتسنى حتى تسالي المشاورات الاولية مع جميع الاحزاب” هذه النقطة كان رد عليها اكثر من مرة مقرب من بنكيران مذكرا في تصريحات سابقة ل”كود” ان رئيس الحكومة كان يرغب في بدء مشاوراته مع التجمع الوطني للاحرار لكن هذا الحزب قرر تغيير رئيسه مع بدء المفاوضات.

القيادي التجمعي دافع عبر “كود” عن اخنوش وقال ان ما قام به منذ البداية هو تقوية حظوظه التفاوضية “الرئيس خدا الحزب وهو عيان بزاف. تدبير الانتخابات كان كارثيا والنتائج كانت ضعيفة والتجمعيون فقدو الثقة فانفسهم. فهاد الوضعية جا اخنوش. اش بغيتوه يدير؟ خاصو يرجع الثقة وهاد الشي اللي دار”.

التجمع الوطني للاحرار مع اخنوش غادي يكون مختلف يشرح هذا التجمعي ل”كود”٬ مشددا في الوقت نفسه ان اخنوش “ماشي ماريونيت فيد شي حد واللي كيقول هاد الهدرة راه ما كيعرفوش مزيان. راه باش كيدخل لشي حاجة باش ينجح ويربح وغادي ينحج فتجربتو هادي”.

اخنوش بالنسبة للمصدر نفسه استطاع في ظرف صعيب بزاف بزاف ان يحقق نتائج مهمة “دابا على من كيهدرو لمغاربة؟ اخنوش وبنكيران. نساو الياس العماري وحميد شباط وغيرهم. حزب جا هو الرابع والهدرة عليه كثر من الثاني والثالث وهادا راه نصر فحد ذاتو”.

بخصوص مسؤولية ما وصلت اليه المفاوضات قال مصدر “كود” ان المسؤولية لرئيس الحكومة. “دابا اخنوش كيفاوض باش يدخل الحكومة قوي. دار ما كيدار فكاع الديموقراطيات. قلب على حلفاء باش تكون عندو كلمة مع بنكيران باش يحصل على نصيب فالحكومة. واش هاد الشي عيب. كيدار فكاع البلدان. من بعد اللي خسر هاد المفاوضات هو بيان الامانة العامة لحزب العدالة والتنمية. كانت مفاوضات خرج بيان كيقول “الاغلبية السابقة هي الاغلبية الحالية” واش اخنوش كيفاوض بنكيران ولا كيفاوض حزب.

هذا لارگيمون مهزوز بالنسبة لقيادي من المصباح٬ “حنا حزب كنديرو اجتماعاتنا وقوانينا واضحة. رئيس الحكومة راه امين عام لحزبنا مفروض عليه يطلعنا على تفاصيل المفاوضات والحزب اللي اختارو من حقو يصدر بيان. ايلى دار بنكيران شي حاجة ضد مبادئ الحزب راه غادي يمشي فحالو. هاد الشي ما كيبغيوش يفهموه لخراين حقاش ماشي ديموقراطيين ما كيديروش حتى اجتماعات ديال الهيئات التقريرية ديالهم وباغيينا نوليو بحالهم. راه العبث هادا.

مصدر “كود” التجمعي توقع ان يتم تجاوز هاد لبلوكاج “اخنوش غادي يتفاهم مع بنكيران وغادي يدخل للحكومة حقاش لا له لا بنكيران فصالحهم يفشلو. بجوج عندهم نفس الخصم اللي كيتسناهم فالدورة. ايلى فشل شي حد راه فشل للاخر. هما بجوج عارفين هاد الشي. بنكيران عندو بزاف باغينو يطيح واخنوش ما تصرطش لاحزاب لاشخاص كيفاش وصل وكيفاش دار بلاصتو وكيتوهمو انه خدا بلاصتهم. هو فالحقيقة ما خدا بلاصة حد. هو خدام كيدافع على حزبو وصافي”.

بنكيران كان اعلن ليلة امس بعد اجتماع الامانة العامة لحزبه بالرباط انه لن يرفض الرد اذا اتصل به اخنوش. هادي بداية ديال انفراج