ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة
كود اسماء غربي الرباط /////
تعيينات السفراء في المجلس الوزاري السبت الماضي بمدينة العيون اغضبت كثيرا رجالات الخارجية. “كاين حيف وباك صاحبي وعلاقتك ببوريطة =الكاتب العام اللي ولى الوزير المنتدب= وعندك شي واحد الفوق” يحكي موظف كبير بالخارجية ل”كود”. الموظف قال باللي الناس مقلقين “اولا النساء تهمشو عاود ثاني. فين هاد المناصفة وعلاش كذبو علي لمغاربة وكالو باللي فالخارجية فيها نسبة مهمة من النساء وباش يجي التعيين اختارو غير ناس قلال واللي ولاد فلان بحال بنت عبد الواحد الراضي اللي عطاوها سفيرة فالنرويج. واخا فيدها ولكن تهلاو فيها فوجه بوها وكاين التازي والفاسي وباحنيني وبنيعيش” يضيف مصدر “كود”.
بالاضافة الى تعيينات سفراء خارج الديبلوماسيين وهاد الشي ديما كيقلب صحاب الخارجية فان عدد “اولاد الدار” بلغ وفق مصدر “كود” 45 سفيرا من مجموع 73 سفيرا زائد 4 متجولين اي ان نسبة مهمة جاية خارج الدار “وحنا اللي غاديين نديرو الخدمة لكبيرة مع هاد السفرا اللي جابوهم من الاحزاب ولا الداخلية ولا . حقاش الثاني ديال السفارة غادي يتسخسخ معاهم وايلى كانت شي حاجة مزيانة تحسب للسفير ولا كانت شي حاجة خايبة يمشي فحالو السفير ويقدر يمشي للصحافة ويسب بعض الديبلوماسيين. يعني حنا اللي سمعتنا خاسرة” يشرج مصدر “كود”. مصدر “كود” يؤكد ان هناك مسؤول يكره النساء لعب دورا في اعداد اللائحة “واحد وقع ليه مشكل مع مراتو وهو يحقد على النساء وولى مهمشهم”
كاين باك صاحبي بزاف فهاد التعيينات كما قال مصدر “كود”. من الامثلة اللي باينة تعيين كريم مدرك اللي كان فمديرية التواصل. السيد ما فيدوش وما دار والو. حاضي غير يكتب بيان يرسلو ل”لاماب” ناشف عيان ويعيط للتلفزيون ونهار يبغي يصفي حسابو مع شي حد عندو كيف يدوزها. حاضي غير التخربيق فالاخير يرسلوه لاستراليا، “حشومة ياخد قنصلية هاداك وعطاوه سفارة استراليا حقاش صاحب بوريطة” يشرح مصدر “كود”٬ في المقابل تستحق ديلوماسيات مثل شفيقة الهبطي القنصلة في ليون حاليا منصب سفير احسن من عشرات المعينين. ولكن حقاش كتخدم وماشي بنت الراضي ولا بنيعيش وما عندهاش شي حد الفوق ما تعيناتش” يختم مصدر “كود”