مندوبية التخطيط: حوالي 97 فالمية من الأسر المغربية صرحوا باللي أسعار المواد الغدائية طلعات فعام 2023
اسماء غربي الرباط كود ////
لائحة تعيينات السفراء في المجلس الوزاري السبت الماضي بالعيون تظهر تغييرا في اختيار الدولة المغربية للديبلوماسيين. طبعا الوزير الفعفاع صلاح الدين مزوار اللي المفروض فيه هو وزير الخارجية ما عندو الا دور هامشي صغير. باينة بصمة حركة لكل الديموقراطيين فهاد التعيينات.
باش نكونو موضوعيين نكولو باللي هاد المقاربة في حد ذاتها يمكن تكون ايجابية. ولكن الاعمال راه بخواتمها. مزيان الانفتاح على المجتمع المدني ومزيان الانفتاح على بعض الوجوه الحقوقية. غير خاص الانفتاح يكون على “الاصلاحيين” ماشي على “المتطرفين اللي ولاو اصلاحيين”. حقاش هادو اللي غيرو الفيستة ديالهم فيهم اللي ما عمرهم ناضلو من اجل الحرية والديموقراطية. كانو باغيين نظام وقدوتهم حافظ الاسد وصدام حسين. اللي يستحق الاحترام هو احمد حرزني المعين سفير متجول لانه الوحيد اللي ملك الجرأة ودار نقد حقيقي باش كان مع الراديكاليين اليساريين “لنخدم الشعب” وندم بصدق.
لائحة السفراء اللي غاديين نكشفو فضائحها فيها بعض الجوانب الايجابية كما قلت٬ منها هاد الانفتاح بالاضافة الى التشبيب اللي مفروض فالسفراء يعني ماشي صغير =اكثر من 45 سنة وماشي كبير= حيدو جميع السفراء=
كما انه انفتح على احزاب سياسية واخا كان حيف بينها. كيف يعقل ان يرشح حزب الاحرار اللي فالحكومة المعارضة اكثر من الاغلبية =الاتحاد والبام والاحرار= هما اللولين عاد العدالة والتنمية بحالو بحال الحركة الشعبية والتقدم والاشتراكية. مزوار بغى يهين بنكيران وصافي.
غادين نرجعو فهاد الموضوع غير للحقوقيين او المحسوبين عليهم. سؤالنا ف”كود” هو “هل تعيين سفير محسوب على المسار الحقوقي كاف لوحده لاقناع دول الشمال الأوربي بمصداقية ملف الوحدة الترابية٬ ام ان الامر يفرض تغييرا في منهجية العمل الدبلوماسي و الاستعانة بفاعلين يتمتعون بالمصداقية ، من المجتمع المدني و الأحزاب، في التوقيع علي حضور استباقي قوي على مستوى الدبلوماسية الموازية؟” ديبلوماسي مغربي حذر في تصريح ل”كود” من “ادلجة العمل الديبلوماسي” وقال ل”كود” ان هذا الامر سيفرغه من محتواه وقواعده وجوهره”. مصدر “كود” اضاف “دابا صحاب الخارجية اللي غاديين يتسخسخو. ايلى كان شي ملف عوج داروه هادو اللي جاو خارج الخارجية حنا اللي نقادوه ونتقاتلو عليه وفالاخير يكولو الديبلوماسية مادارتش خدمتها”. مصدر “كود” اضاف “واش حنا مثلا فالسويد والدنمارك والنرويج محتاجين لمخاطبين يتقنون لغة اليسار وحقوق الانسان. ياك فبعض هاد الدول حكومات يمينية علاش نرسلو ليهم يساريين. راه محتاجين لناس عندهم المام قوي بزاف بملف الصحراء. حقاش قدامهم صحاب البوليساريو كاين اللي دوز فهاد البلدان 20 سنة وعارف كلشي ماشي بحالنا” يضيف مصدر “كود”.