هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
كود اسماء غربي الرباط /////
الوزير الفعفاع صلاح الدين مزوار خاصو بزاف الصفات ماشي غير الفعفاع. بين علي مستواه بزاف فاخر التعيينات. طبعا هو دار اللي طلبات منو الجهات اللي فوقو وبقى ليه شي هامش صغيور للتحرك عين فيه جوج من الحزب وديع بنعبد الله اللي كان سبب باش مباركة بوعيدة الوزيرة المنتدبة في الخارجية نجحات فاول انتخابات =بلدية في الدار البيضاء 2009= واللي كيدعم ب بللفلوس للحزب مع شفيق رشادي اللي حتى هو من الناس اللي كيدعمو ماديا الحزب بزاف.
يعني اختيار مزوار لهاد الشخصين ماشي حقاش هما اللي فيديهم اكثر من لخراين ولكن حقاش كيعطيو للحزب فلوس كثيرة على ود الانتخابات وما يرتبط بخا. هاد الشي معمول به حتى فالاستوزار فاكبر المانحين كيتختار منهم بحال بوهدود اللي فرضو عمو وعبو اللي جابو بوه. ما علينا. المهم مزوار دخل هادو وحشى واحد المستشار ديالو فمنصب سفير اللي هو مثقال محمد.
حشومة على مسؤول سياسي يجي لوزارة وايام قبل ما يخرج منها يبدا يدخل ناسو. نشوفو شكون هاد مثقال. هاد السيد كان مكلف بكل ما اقتصادي مع مزوار. خدم معاه ايام كان فوزارة المالية. فداك الشي كيفهم شوية ولكن فالمغرب فالسياسة فالصحرا ما فيدوش. مستواه ضعيف وكان اسمو تجبد فقضية درابور بحالو بحال صلاح الدين مزوار. ولكن مثقال ما دخلوهش على كفاءتو ولكن على انه ابن جينرال وهادي تبين ليكم هاد مزوار كيفاش كيفكر. حقاش خدم معاه حتى قبل استوزارو الصحافي رشيد باحا. هاد الصحافي قاري بزاف على ولد مثقال وفاهم عليه ولكن حقاش ماشي بوه مثقال اللي كان فالقصر لاحو وتنكر ليه. اولاد الشعب كددو ولاحو وولاد الجينرالات حشاهم فمنصب غريب: سفير بمهام مختلفة.
واش عقلية زعيم حزب بحال هادا ما يحشمش يكول ليبرالي كندافع على قيم الحداثة. الحداثة هي ولاد الجينرالات ياخدو المناصب وولاد الشعب يطلعو برا.