كود الرباط ///

خاص سعيد حسبان، رئيس الرجاء الرياضي، القى حل باش افسخ العقود ديال ربعة ديال اللاعبة من الرجاء، قرر المدرب الاسباني غاريدو وحيدهم من اللائحة ديالو، هما يوسف القديوي، ومحمد الطاوس، والمنصوري، والمهاجم مومي.

اللاعبين لحيد غاريدو كلهم مازال عندهم عقود مع الرجاء، وخاصهم اتوصلو بفلوسهم، إلى بغا حسبان اوافقو ليه على فسخ العقد، خصوصا أن الرجاء هو لطلب افسخ العقد ماشي اللاعبين.

حسبان غادي اقدر افسخ عقد مومي والطاوس، والمنصوري، لأنه لاعبين معندهم فلوس بزاف في الرجاء، وباغين مزال العبوا مع فراقي آخرين، ولكن غادي القى مشكل كبير باش افسخ عقد القديوي، بسباب المشاكل لعندو مع اللاعب، والفلوس لكيتسال، لكتوصل كثر من مليار.

القديوي حتى هو حالف ميمشي من الرجاء ضد فحسبان حتى اشد فلوسو، ولا غادي امشي للجامعة وغادي اغرق الرجاء، لعندها مشاكل كثيرة بزاف في الجامعة، ومخصهاش تزيد مشاكل أخرى.