الرئيسية > آراء > علاش ماباغينش تعتارفوا أنهم القيادات الحزبية والدعوية راها بنادم وباشار ويمكن توقع فالخطيئة: واش باغينها حكم بالشريعة راه الفقيه والفقيهة خاصهم يتردموا فحفرة ويترجموا بالحجر أو باغينها قانون وضعي عندهم مونتيف شهرين
24/08/2016 11:03 آراء

علاش ماباغينش تعتارفوا أنهم القيادات الحزبية والدعوية راها بنادم وباشار ويمكن توقع فالخطيئة: واش باغينها حكم بالشريعة راه الفقيه والفقيهة خاصهم يتردموا فحفرة ويترجموا بالحجر أو باغينها قانون وضعي عندهم مونتيف شهرين

علاش ماباغينش تعتارفوا أنهم القيادات الحزبية والدعوية راها بنادم وباشار ويمكن توقع فالخطيئة: واش باغينها حكم بالشريعة راه الفقيه والفقيهة خاصهم يتردموا فحفرة ويترجموا بالحجر  أو باغينها قانون وضعي عندهم مونتيف شهرين

كود محمد سقراط ///

الولاء خصلة حميدة ، وأغلبنا موالون لشي واحد أو لشي جهة معينة أو فكر أو أي حاجة ، ولكن الولاء لدرجة تأليه الأفراد هو لي شوية صعيب ، واخا هو ماشي حكر فقط على الخوانجية ، الشيعة راه عندهم عصمة الفقيه جزء من العقيدة ، وعبر التاريخ الناس فشلا بلايص من العالم ، ألهوا أفراد معينين ، ومآمنين بأنهم مايمكنش يطيحو فالخطيئة ، وهادشي لي واقع هاد اليوماين للخوانجية وهم يصيغون التبريرات والحجج والبراهين والأعذار على أن الفقيه لم يكن يحرث الفول مع الفقيهة فالحرام ، بل فالحلال البين ، وحتى كاع هادوك لي جاتهم صعيبة يعاودوا رواية الحلال ، قاليك راه كانوا غي كيدويو على زواجهم المستقبلي ، بينما المني فكلينيكس من بين المحجوزات ومدفوع فالمحضر للمحكمة .

كاين لي قاليك أسيدي هوما راه مزوجين شرعا وماقاموا به حلال طيبا ، والموشكيل كاين فالقوانين الوضعية ديال الدولة ولي مكتعتارفش بمثل هاد الزواج ديال فاتحة تحت الحيط ، وهاد القوانين لي كتعرقل على المؤمنين أنهم يجتامعوا فالحلال ، لأنها معرقلة مسطرة التعدد وشلا أعذار أخرى ، وبداو كيرميو الذنب ( ماشي فكلينيكس) على القانون المغربي الوضعي لأنه كيعرقل شريعة الله ، دابا غي بيناتنا واش باغينها حكم بالشريعة الى كان هاكة فراه الفقيه والفقيهة غادي يتردموا فحفرة ويترجموا بالحجر ، أو باغينها قانون وضعي على الأقل مونتيف ديال شهرين ويخرجوا بجوج ، راه لاعيب فأنكم تقروا أن حتى القيادات الحزبية باشار وكيبغيو يفوجوا مرة مرة .

دابا مثلا الى شي جماعة شدو شي شفار فالسوق وطبقوا عليه شرع الله وقطعوليه يديه ، ناض المخزن شدهم وسيفطهم للحبس ، واش غنسمعوا لخوانجية كيطالبوا بإطلاق سراح هؤلاء ويلتامسوا ليهم الأعذار علما أنه كاين نص شرعي واضح فالقرقان ، وغادي يبقاو يرددوا هاد اللازمة ديال القانون الوضعي للدولة يعيق تطبيق شرع الله ، أو هاد الهدرة خاصة غي بتبرير المغامرات الجنسية للقيادات الحزبية ، علاش ماباغينش تعتارفوا أنهم القيادات الحزبية والدعوية راها بنادم وباشار ويمكن توقع فالخطيئة ، وأن هادشي راه مكيضرش الإسلام إلى جوج من التوحيد والإصلاح علقوا المعزي فوق الكوسان ديال المارسيديس ، وتبقاو تعتابروا الأمر استهداف للإسلام والمسلمين ، راه حتا حنا مسلمين وهاد الحادثة لم تؤثر على عقيدتنا الحنيفة ، راه فعوض نبرروا هاد التصرف ونحاولوا نشرعنوه خاص الناضلو من أجل أن يتم رفع تجريم العلاقات الجنسية خارج اطار الزواج ، بنادم راه ممحتاجش يقرى فاتحة ويحضر جوج شهود ويعلم الحومة عاد يجيب البليزير ديالو ، هذا هو النضال لي خاص نقوموا بيه كلنا كمغاربة ، لكن للأسف الخوانجية باقين رابطين راسهم بتعاليم القرون السابقة وباغين يربطونا معاهم ، لكن هيهات هيهات فالحال مايشاور .

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم