19/04/2024 00:00
نايضة فبرشيد: المدني رئيس اليوسفية باغي يطير شركة النادي بعدما البيضي استقبل العصبة الاحترافية
سهام البارودي كود ////
لا كاينة شي حاجة مزيانة دارها هاد الفيلم ديال نبيل عيوش “الزين لي فيك” فهو خلق الجدل و خلى بنادم يتناقش و هادا فحد ذاتو كايبقا امر صحي ! مزيان يكون فالمجتمع ، مزيان بنادم يهضر و يعبر و يسمع و يستافد، غي هو المشكل عندنا اننا شعب كانعرفو غير نهضرو و عندنا مشكل ديال السمع ماشي حيت صمكين و لكن حيت شي كايبغي يفرض رأيو على شي صحة ! بزز! زطاطة …
المشكلة الكبيرة هي انو الفيلم مازال ماخرجش و حتا واحد ماشافو من غير الناس لي كانو فكان ! و لكن دوك المشاهد لي بانو فيوتوب كانو كافيين باش بزاف د الناس يتفركعو على المخرج و الممثلة ! الاكثرية المتناقضة الغير متصالحة مع ذاتها دوك النص فالمغاربة لي قالت عليهم الاحصائيات ديال وزارة الصحة انو كايعانيو من انفصام فالشخصية كانو هوما السباقين طبعا فالفايسبوك و الانترنيت، سبو و عايرو و قالك ا سيدي بغاو يديرو حملة لمقاطعة الفيلم … مايخالف! و لكن شنو ماعجبكمش فداكشي لي شفتو؟
الصورة ديال الق…ب فالمغرب ؟ داكشي كاين ماجابوش عيوش من برا و كاين كثر منو غي بنادم كايبغي يخبي على راسو.
اللغة المستعملة هي اللغة المستعملة بين العاهرات و كون كان الفيلم كايعاود القصة ديال 4 ديال المعلمات فالجبل كان غادي يستعمل المصطلحات لي كايهضرو بيهم المعلمات ! هادشي ماكايمنعش من انو بزاف د المغاربة و المغربيات من جميع الشرائح الاجتماعية كايخصرو الهضرة ! البنات بيناتهم، الرجال بيناتهم و حتى العيالات فشي قصارة ديال اللعابات راه ماكاين غي من السمطة للتحت …
الناس لي كايقولك للفيلم كايشوه صورة المغرب ! راه صورة المغرب معروفة واش عاد غايعرفو الناس المغرب من خلال فيلم عيوش ؟ شحال من روبورطاج دار فالقنوات الاجنبية على الدعارة و المثلية و البيدوفيليا فالمغرب ؟ و شحال من قناه عربية دارت روبورطاجات على السحور و الشعوذة فالمغرب ؟ واش هادشي هو لي ساهم فعجز الميزان التجاري؟ الدعارة راه ماخطات حتى بلاد سواء الدول الفقيرة او الدول الغنية ماشي مسئلة انو حنا نصورو الدعارة فالمغرب و لا مانصوروهاش هي لي غاتخلي الناس يحتارمونا كدولة !راه العلاقات بين الدول ماشي فحال العلاقات بين الدروبة ! الدرب لي فيه القوادة درب محكور! الدول لا تحترم حسب المعايير “الاخلاقية” ديالها ، الدول تحترم حسب القوة الاقتصادية و الجيوستراتيجية ديالها ، راه المغرب ماشي “عائلة” و لا “عزبة” غاتخصر ليها السمعة على ود فيلم …
و بالنسبة للدعم و ديك الهضرة ديال “فلوس المغاربة كايخسروهم فالافلام بلا بلا بلا …” الفيلم مامديورش بفلوس المغاربة غي تهناو ! ماكاين لا دعم لا والو و اصلا هادوك الناس لي بقاو فيهم فلوس المغاربة شكون قاليهم راه كااع المغاربة مابغاوش الفيلم ! كاين بزاف د الناس بغاو يتفرجو فيه و حتى هادوك لي سبوه الاغلبية فيهم نهار يتعرض غايتفرجو فيه…
الفيلم منتوج سينيمائي ! فني ! خاصو يتنتقد حسب معايير فنية و ماشي اخلاقية راه فن هاداك ا عيباد الله ! فحال طابلو ديال شي واحد مرسوم عريان ! فحال المنحوتة ديال مايكل انجلو فحال الفيلم د عيوش فحال المسرحية د العيال كبرت … منتوجات فنية يجب ان تخضع للنقد حسب معايير فنية و ماشي معايير اخلاقية.
الرقابة على الفن هي رقابة على حرية التعبير.
