هناء ابو علي كازا /////

الصورة اللي تم تسويقها الاسبوع الماضي على نشاط للملك محمد السادس بسجن عكاشة بالدار البيضاء غير مناسبة وكتعطي معنى عكسي اللي باغيين يدوزوه بيها. تصويرتو كيسلم على المسجونين وهما كيطلعو ومادين يديهم ما مزياناش. شكون هاد الذكي بزاف الخبير في التواصل اللي سمح ينشرها. لا الصورة لا الفيديو اللي داز فنشرات الاخبار.

النشاط مزيان واهتمام الملك بهاد الفئة معقول ولكن اللي ماشي معقول هي الصورة اللي تخادت ليه. صورة كتفرق بين ملك وشعبو. السجناء حتى هما شعبو وكتعطي دلالات بلا ما ندخلو فيها. الله يهديكم يا اللي مكلفين بالتواصل الملكي راه هاد الشي ما مزيانش. خرج عليكم التواصل بحال اللي كيديرو ليكم سفيان بحري وراه دولة ومؤسسة هامة بزاف فالبلاد وصورتها هي صورة لبلاد وكلشي خاصو يكون معبور