كود هناء ابو علي —-

شكلت صورة طفل كتعومو مو فالخلا الحدث. الصورة التقطت حسب مصدر ل”كود” التقطت قبل أسبوعين من قبل مصور رويترز المغربي يوسف بودلال بجبال ايت العبدي بأزيلال – 1780 متر-.

صورة اثارت نقاشا كبيرا حول ظروف سكان تلك المناطق المنسية في هذه الظروف المناخية الصعبة للغاية.

حسب مصدر ل”كود” حضر التقاط لكليشي “كانت لعيالات اللي ما كيهدروش العربية، سولهم واحد ما هاد الدري موسخ، ومو وعيالات معاها حيدو لحوايج وعراوه وبداو كتعوموه”. حسب مصدر “كود” فان النساء “ما كانوش مسوقات للكاميرا. وباين كيديروها ديما. وما دوروش حتى ريوسهم”.

فهاد اللحظة اللي كانت فيها درجة الحرارة 4 درجات وكانت الساعة لحداش ديال الصباح تقريبا تم التقاط الصورة من قبل يوسف بودلال بلا اخراج لا تزواق بلا تدخل.

للاشارة مول الصورة ماشي اي مصور، هاد المغربي يتواجد حاليا في نيويورك لتسلم جائزة عن صورة كان التقطها لليزيديين في العراق. الأقلية اليزيدية كانت تعرضت لكافة انواع القتل والاغتصاب من داعش