الرئيسية > آش واقع > شوهة كبيرة.. خطيب فتنغير قال للمصلين أن وفاة النشاط الأمازيغي المستور اللّي مات فسواحل ليبيا عندو علاقة بالإلحاد وها شنو قال أخ الهالك لـ”كود”
27/06/2017 23:20 آش واقع

شوهة كبيرة.. خطيب فتنغير قال للمصلين أن وفاة النشاط الأمازيغي المستور اللّي مات فسواحل ليبيا عندو علاقة بالإلحاد وها شنو قال أخ الهالك لـ”كود”

شوهة كبيرة.. خطيب فتنغير قال للمصلين أن وفاة النشاط الأمازيغي المستور اللّي مات فسواحل ليبيا عندو علاقة بالإلحاد وها شنو قال أخ الهالك لـ”كود”

كـود : عمـر المزيـن//

شوهة كبيرة وخاص وزارة الاوقاف والشؤون الاسلامية تححق فيها مع واحد لخطيب اللّي دار خطبة انهار العيد وزايد خطبة أخرى أمام ساكنة دوار أيت تومرت، بجماعة إغيل نومكون، التابعة ترابيا لإقليم تنغير. هاد الخطبة اهضر فيها الامام على “الإلحاد” واعطى نموذج على واحد الناشط امازيغي قضى غرقا في سواحل ليبيا حينما كان بصدد الهجرة إلى إيطاليا.

هاد الفقيه مريض فراسو او خاصو يتعالج شويا حيتاش ناض اعتبر ان الموت ديال النشاط الامازيغي المستور عندو علاقة بالالحاد وعطا بيه عبرة ومثال لساكنة أيت تومرت بجماعة إغيل نومكون. أخ الهالك أوضح، في تصريح لـ”كود”، ان هاد الفقيه دار الخطبة الأولى بشكل عادي انهار العيد ومقال فيها والو”.

وشرح أخ اهالك المستور، لـ”كود”، قائلاً: “وحتى الخطبة الثانية دارها بشكل عادي واهضر غير على العيد وشويا بدا كيشرح للمصلين بالامازيغية وناض كيهدر على “الإلحاد والشرك” وفالآخر الهضرة ديالو قالهوم خودو عبرة من هاد الشاب اللّي مشا لليبيا على الخدمة”.

الأخ ديال الضحية قال لـ”كود”: “المهم أنا ديك الساعة خليت الفيقه كيهضر واخرجت من المصلى والناس منساحبوش من الخطبة ديال هاد الفقيه اللي خاطب الشباب قائلاً: خودو عبرة فهاد الشاب اللّي مشا ليبيا يخدم ماشي للدين وبن بعد صافي سالا لخطيب وحنا جينا نصليو العيد والجرح مزال جديد ومكاينش لاش يجبد ليا خويا”.ربط وفا “المستور” غرقا بـ”الإلحاد” في خطبة العيد يثير غضب عائلته

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا