كود الرباط /////

هاد القضاء عندنا غريب عجيب. متطرف اسمه ابو النعيم او ابو الجحيم يصف قناة “دوزيم” بالصهيونية وما تحاكمش. نعقلو على الفيزازي وكيفاش كان كيحرض لمغاربة قبل 2003 ووقع ما وقع فالدار البيضاء واليوم نفس الشيء. فنفس النهار القاضي يطلق سراح القاضي مدى الحياة ماء العينين ماء العينين اللي متهم بالحصول على رشوة بقيمة 50 مليون ويقرر متابعته في حالة سراح. نفس القضاء ديال بلادي متابع الزفزافي واكثر من 100 ريفي ناضو ضد هاد الفساء ضد الرشوة للمطالب الاجتمتاعية بتهم كثيرة. ما حصلو عندهم لا ملايين لا ملايير. تحويلات صغيرة

دابا حتى واحد من قادة الحراك المعروفين ما متعوه بحالة سراح. الريف كيغلي وغادي يتزاد يغلي باش يعرف باللي قاضي متهم برشوة تطلق لاسباب صحية وولادهم متابعين وفكازا وعائلاتهم كتقطع كيلومترات كثار باش تشوفهم 10 دقايق. اش كنسميو هادي. كل واحد يختار اللي بغى