كود احمد الطيب ////

فالمجلس الوزاري ديال الاحد اللي فات جاء في بيان الديوان الملكي ان الوزراء المعنيين بالتعطال فمشاريعهم ديال “منارة المتوسط” ما غادينش ياخدو عطلتهم السنوية. ولكن شكون كيعطي العطلة واش رئيس الدولة ولا رئيس الحكومة؟ حسب مصدر ل”كود” فان الوزير يتقدم بطلب بخصوص عطلته السنوية يحدد فيها مدة العطلة والمكان الذي سيقصده٬ الى رئيس الحكومة. هاد الاخير ما كيقدرش يقرر فيه. بل يرفعه يشرح مصدر “كود” الى رئيس الدولة اي الملك اللي عندو اما يوافق او يرفض. اي انه هو الوحيد اللي كيحدد لهاد الوزير او ذاك قبول الطلب من رفضه.

دابا هاد الوزرا للي معنيين بتاخر مشاريع تابعة لوزارتهم فالحسيمة واش غادين اصلا يتقدمو بطلب ولا اللا. من بعد واش رئيس الحكومة غادي يرفعو للملك ولا اللا. ايلى ما وصلوش الطلب تهنى ولكن ايلى وصلو وكان عارف باللي الوزير ما دارش خدمتو هاديك الساعة غادي يتحرج لوزير باش يترفض ليه الطلب