كود كازا ///

علمت “كود” ان عبد الهادي بلخياط اللي دار فلوسو بالفن وبصحتو وفالاخير قلبها دين وكيعطي الدروس قرر يرجع للغناء. حسب مصدر “كود” فان السبب هو حراك الريف. وما تفهموهش غلاط راه ما غاديش يدافع عليه. تسناو. وفق مصدر “كود” فان بلخياط عرض فكرة فيديو كليب لاغنية على الوطن وتشبثه بالملكية وجمال الحسيمة ودابا وفق مصدر “كود” كيدير اللمسات الاخيرة للمشروع وكيقلب على وجوه فنية ورياضية تشاركو الفيديو كليب

دابا واش السي بلخياط هادوك ناس الحراك ولا مسيرة الاحد الماضي ضد الملك وضد جمال الحسيمة؟ راك غير كتخربق وتهدرز. المغرب ما محتاجش دابا اللي يتغنى بيه محتاج للي يخدم مصالحو العليا وهي الدفاع عن الحقوق والحريات ومجتمع فيه الحد الادنى للديموقراطية. اما الملكية راه لمغاربة اللي قابلينها وحاميينها ماشي العياشة ولا اصحاب المصالح ولا غيرهم. راه عموم لمغاربة كيدافعو عليها بلا لحيس الكابة.