مكتب كود بالرباط ////

واش مهمة صارم الفاسي الفهري مدير المركز السينمائي المغربي المنتج المعروف بانفتاحه قبل تعيين في هذا المنصب ولات كتابة تقارير على الافلام المغربية وتسليمها لوزارة الاتصال. هذا ما كشفه مصدر من وزارة الاتصال ل”كود” اذ قال المصدر ان نبيل عيوش برمج عرضا سينمائيا لفيمله الاخير “الزين اللي فيك” لصارم الفاسي الفهري واطلعه على الفيلم حتى قبل ان يتم عرضه في كان الاخير في خانة “لاكانزان”. هاد الشي عادي وكيدار ولكن اللي ماشي عادي هو ان مدير المركز السينمائي المغربي اعد تقريرا٬ وفق مصدر “كود”٬ ورفعه الى وزير الاتصال.

دابا هادا كيهين منصبو وكيهين تاريخو وكيرجعنا اللاور. راه مهمة مدير المركز السينمائي ماشي التبركيك وكتابة التقارير.

وحتى باش مشى شاف الفيلم ومعاه ناس اخرين من المركز دار تقرير اخر واللي عليه جا هاداك القرار الخطير ديال وزارة الاتصال بمنع فيلم خارج القانون